天天天晴

这篇剧评可能有剧透

系呀！呢位小喬，佢同我個賞賞真系唔系幾熟~~
系呀，你可以話佢哋都系購物狂lor，但我個賞賞一定冇可能為咗一兩萬裝修費同人拗，同埋，大喇喇幾萬蚊買個手袋，心痛都忍唔住要出手既賞賞又點會做埋嗮D儲印花對獎品咁師奶既行為？！
依位師奶馬太啊，佢可以響間office個雪櫃度擺滿嗮D排骨噶，呢D野以前都系阿包公個戀賞狂先會做噶嘛！我果位連煲湯都可以令到大閆生噴出嚟既賞賞又點可能知咪鬼生肉隔夜就唔好食呢D煮婦常識？！
結咗婚加戀夫狂真系好恐怖，我個賞賞都冇咩好好享受個拍拖結婚生涯就幾乎成為“棄婦”，對於余龜蛋行前退後多句聲都唔敢出，玩笑都冇可能開過界，呢位師奶好野啊，對住老公話自己“下半身”都靠嗮佢，居然都可以面不改色心不跳噶擋返去！
“個十百千萬一百萬，個十百千萬一百萬！”笑到我差到碌到個地上！大佬，你系要有幾“貪錢”啊！
有個直男做姐妹淘，呢挺女人又真系幸福到過嗮籠！有咩事分擔分享，你永遠排第一，當然，系佢老公之後~~
我個賞賞女人仔一隻，但一身正氣，每每到咗緊要關頭都，都力爭到底，絕不手軟！呢位師奶倒好，居然講出“真系從嚟未試過咁恨個老公做個反骨仔，仲系忘恩負義果只”天啊！我個賞賞兩億都系咁戥咗哦，一百萬，呢個女人就顛成咁！
粒石唔見咗，無論系賞賞定系井喬都一定會失D分寸，但點都好，阿賞都會用果句“大膽假設，小心求證”去穩定自己同其他人，呢位師奶咧就，我唔理噶，就系你哦就系你哦，有動機有行為哦，一定系你，我認定噶，點解釋都冇用！師奶霸道作風一展無疑！
女人仔又好，師奶又好，戀夫又好，鏗家又好，霸道又好，高八度同人爭拗又好，我知我個賞賞已經離開咗lor，從今開始，好衰兼收一併愛上呢個叫做井喬既真女人：）
PS：已經睇到有朋友迷戀馬生，居然大膽到唔希望明醫生咁快出嚟！咁又系既，馬生呢挺顧家，愛老婆，一生正氣既好男人又真系世間少有，明醫生電話入邊口甜舌滑個款，又真系冇佢咁有安全感~~
當然，大家唔好忘記衰人Ryan出場果陣時都系正氣律師嚟嘎！鄭生分分鐘可以自毀形象到你都唔識佢~~幾大高手飚戲，實屬fans之福！第一集已經狀態極好，第二集就可以令我入戲，加埋仲有其他高手陸續加入，呢套天天天晴只需要保證編劇唔出狀況，一定可以成為跟住往後大半年人生入邊每日既最大亮點^^ 更多关于《天天天晴》的精彩内容请持续关注小红帽影院。